TAB BOOK CENTRE
အသိပညာ တိုးပွားလိုသူတိုင်းအတွက် တီအေဘီစာပေစင်တာ
0
0
ပင်မစာမျက်နှာ

San San Oo(စန်းစန်းဦး)

စာအုပ်စုစုပေါင်း 1 အုပ်ရှိပါသည်

Showing 1–1 of 1 results
ကိုယ်ရေးရာဇဝင် မှတ်တမ်း
ကလောင်အမည် San San Oo(စန်းစန်းဦး)
အမည်ရင်း San San Oo(စန်းစန်းဦး)
မိဘအမည် ဦးစန်း
မွေးသက္ကရာဇ် ၁-၁-၁၉၆၄
မွေးဖွားရာဒေသ အမှတ် ၂၇၁၊ ဘုရင့်နောင်လမ်း၊ ၄၄ ရပ်ကွက်၊ မြောက်ဒဂုံမြို့နယ်
ကလောင်အမည်ခွဲများ -
ကိုယ်ရေးဖြစ်စဉ် စန်းစန်းဦးသည် ၁၉၆၄ ခုနှစ်၊ ဇန်နဝါရီလ ၁ ရက်နေ့တွင် ရန်ကုန်မြို့၌ အဖ ဦးစန်း၊ အမိ ဒေါ်ထွေးအောင် တို့က မွေးဖွားခဲ့သည်။ မွေးချင်း ရ ယောက်အနက် အကြီးဆုံး ဖြစ်သည်။ အမည်အရင်း စန်းစန်းဦး ဖြစ်သည်။ ငယ်စဉ်က အမှတ် (၃)၊ မင်္ဂလာတောင်ညွန့်၊ အစိုးရ အထက်တန်းကျောင်းတွင် မူလတန်းမှ အထက်တန်းပညာ အထိ သင်ကြားသည်။ နောက် ရန်ကုန်မြို့ ဒေသကောလိပ် အမှတ် (၁) တွင် ဆက်လက် ပညာသင်ကြားပြီး ၁၉၈၈ ခုနှစ်၌ M.B.B.S.ဘွဲ့ရသည်။Med.Sc.(MentalHealth)ဘွဲ့လည်းရသည်။ စန်းစန်းဦးသည် ၁၉၉ဝ ခုနှစ်တွင် ဟန်သစ် မဂ္ဂဇင်း၌ 'ကဝဗတ ယာဆူနရီ' (Kawabata Yasunare) ၏ ဝတ္ထုတို တပုဒ်ကို 'ဆောင်းမိုးဦး' အမည်ဖြင့် မြန်မာဘာသာ ပြန်ဆိုထားသော ဝတ္ထုတို စတင် ဖော်ပြခံရသည်။ ထို့နောက် ကဝဗတ၏ ဝတ္ထုတိုများ ဆက်လက် ပြန်ဆိုပြီးနောက် လုံးချင်း ဝတ္ထုတိုစာအုပ် 'သေလွန်ပြီးနောက်နှင့် အခြားဝတ္ထုတိုများ' ထုတ်ဝေခဲ့သည်။ ထို့ပြင် အခြား နိုင်ငံတကာ ခေတ်သစ် ဝတ္ထုတိုများကိုလည်း မဂ္ဂဇင်းများတွင် ဘာသာပြန်ဆို ရေးသားလျက် ရှိသည်။ ဥပမာ၊ ဗာဂျီးနီးယားဝုဖ် (Virginear Woolf) ၏ Kew Gardwns ကို 'ကူးဥယာဉ်များ'အမည်ဖြင်ပြန်ဆိုပြီးBeautyမဂ္ဂဇင်းတွင်ဖော်ပြခဲ့သည်။ ဘာသာပြန် အရေးသားများသည် ရှင်းလင်း ပြေပြစ်သည်။ ဥပမာ၊ ကူးဥယာဉ်များ ဝတ္ထုတိုတွင် … "ဘဲဥပုံသဏ္ဌာန် ပန်းခင်းဆီမှ အညှာတံပေါင်း တထောင်ခန့်မျှ ထိုးထွက်လာပြီး လမ်းခုလတ် အရောက်တွင် အသည်းပုံ သို့မဟုတ် လျှာပုံသဏ္ဌာန်ရှိ အရွက်များ ဖြန့်ထွက်လာကာ အဖျားပိုင်း အရောက်တွင် အနီ ဒါမှမဟုတ် အပြာ ဒါမှမဟုတ် အဝါ ပွင့်ချပ်များ ဖြန့်ကား ထွက်လာပြီး မျက်နှာပြင်ပေါ်သို့ ရောင်စုံ အစက်အပြောက်ကလေးများ မြင့်တက် ပေါ်လွင်လျက် ရှိကာ အနီ အဝါ အပြာ အရိပ်ကျဉ်းကျဉ်းကလေးများ ထဲမှ ဖြောင့်စင်းနေသော အတံ တခု ထိုးထွက်လာသည်" ဟု ဝါကျတကြောင်းထဲ၌မြင်းကွင်းကိုရေးသားတင်ပြထားသည်။ စန်စန်းဦးသည် အနောက်တိုင်း ခေတ်သစ် ဝတ္ထုတိုများနှင့် အရှေ့တိုင်း ဂျပန်ခေတ်သစ် ဝတ္ထုတိုများကို အထူးပြု ပြန်ဆို ရေးသားနေသော မြန်မာ အမျိုးသမီး ဘာသာပြန် စာရေးဆရာမ တဦး ဖြစ်သည်။ ဒေါက်တာ ခင်လေးမြင့်၊ ခိုင်လင်းမော် (မန်းတက္ကသိုလ်) တို့နှင့် ခေတ်ပြိုင် ဘာသာပြန် စာရေးဆရာမ တဦး ဖြစ်သည်။ ယခုအခါ စန်းစန်ဦးသည် စိတ်ရောဂါကု ဆေးရုံကြီးတွင် ဆရာဝန် အဖြစ် တာဝန် ထမ်းဆောင်ရင်း ခင်ပွန်း ဒေါက်တာအောင်မင်း (အောင်မင်း)၊ သား ဉာဏ်လင်း၊ သက်ဆောင်းအေး တို့နှင့်အတူ အမှတ် ၂၇၁၊ ဘုရင့်နောင်လမ်း၊ ၄၄ ရပ်ကွက်၊ မြောက်ဒဂုံမြို့နယ်တွင် နေထိုင်လျက် ရှိသည်။