TAB BOOK CENTRE
အသိပညာ တိုးပွားလိုသူတိုင်းအတွက် တီအေဘီစာပေစင်တာ
0
0
ပင်မစာမျက်နှာ

San Ni Nyein(ဆန်နီညိမ်း)

စာအုပ်စုစုပေါင်း 3 အုပ်ရှိပါသည်

Showing 1–3 of 3 results
အစ္စလာမ့်အနုပညာ(ဆန်နီညိမ်း)
star_border star_border star_border star_border star_border
အစ္စလာမ့်အနုပညာ(ဆန်နီညိမ်း)
4,000 ကျပ် Out of Stock
Releases Mar 28, 2026
favorite_border
ပျူဒီဇိုင်းများကပြောသောပျူအတွေးများ(ဆန်နီညိမ်း)
star_border star_border star_border star_border star_border
ပျူဒီဇိုင်းများကပြောသောပျူအတွေးများ(ဆန်နီညိမ်း)
4,000 ကျပ် Out of Stock
Releases Mar 28, 2026
favorite_border
အခြေခံဒီဇိုင်းနှင့် ဂရပ်ဖစ်အနုပညာ (ဆန်နီညိမ်း)
star_border star_border star_border star_border star_border
အခြေခံဒီဇိုင်းနှင့် ဂရပ်ဖစ်အနုပညာ (ဆန်နီညိမ်း)
5,000 ကျပ် Out of Stock
Releases Mar 28, 2026
favorite_border
ကိုယ်ရေးရာဇဝင် မှတ်တမ်း
ကလောင်အမည် San Ni Nyein(ဆန်နီညိမ်း)
အမည်ရင်း San Ni Nyein(ဆန်နီညိမ်း)
မိဘအမည် ဦးကျားဘညိမ်း + ဒေါ်ကြည်ကြည်
မွေးသက္ကရာဇ် ၁၉၄၉-ခုနှစ်
မွေးဖွားရာဒေသ မန္တလေးမြို့
ကလောင်အမည်ခွဲများ -
ကိုယ်ရေးဖြစ်စဉ် ဆန်နီညိမ်းသည် မော်ဒန်ပန်းပုပညာရှင်၊ ပန်းချီဆရာတစ်ဦး ဖြစ်သည်။ ဆန်နီညိမ်းကို ၁၉၄၉-ခုနှစ်၌ မန္တလေးမြို့တွင် အဖ လက်ဝှေ့ကျော် ဦးကျားဘညိမ်း နှင့် အမိ ဒေါ်ကြည်ကြည်တို့မှ မွေးဖွားခဲ့သည်။ မွေးချင်း(၈)ယောက်အနက် ဒုတိယသားကြီး ဖြစ်သည်။ ၁၉၇၁-ခုနှစ်တွင် ရန်ကုန်ပန်းချီပန်းပုကျောင်းမှ ပန်းပုပညာရပ်နှင့် ကျောင်းဆင်းခဲ့ပြီး ပန်းချီပန်းပုပညာရပ်များကို ဆက်လက်ဆည်းပူးခဲ့ရာ ခေတ်ပြိုင် အနုပညာရပ်များနှင့် အခြေခံဒီဇိုင်း၊ အမြင်ဆိုင်ရာ အနုပညာ (Visual Art) အခြေခံများကို ဆရာဗဂျီအောင်စိုးမှ သင်ကြားပေးခဲ့သည်။ ၁၉၇၂-ခုနှစ်တွင် ကန်တော်ကြီး ကရဝိတ်ဖောင်တည်ဆောက်ရေး လုပ်ငန်းခွင်တွင် ဆရာကြီးဦးဟန်တင်၏လက်အောက် ပန်းပုဌာနတွင် လုပ်ကိုင်ခဲ့သည်။ ၁၉၇၆-ခုနှစ်တွင် အမေရိကန်ပြန်ကြားရေးဌာန (USIS Yangon)တွင် ဝင်ရောက်အမှုထမ်းခဲ့ရာ ပြပွဲဌာန၊ ပုံနှိပ်ထုတ်ဝေရေးဌာန တို့မှာ Graphic Artist အနေနှင့် စာအုပ်ထုတ်ဝေခြင်း၊ ပြပွဲများ ခင်းကျင်း ပြသခြင်းများကို ၁၉၉၆-ခုနှစ်အထိ နှစ်ပေါင်း နှစ်ဆယ် လုပ်ကိုင်ခဲ့သည်။ ၁၉၈၀-ခုနှစ်များတွင် ပန်းချီဆရာ ပေါ်သိမ်းနှင့် တွဲ၍ ဥဒေါင်းမင်းပြခန်းကို ပြန်လည်တည်ထောင်ခဲ့ပြီး အနုပညာလှုပ်ရှားမှုများကို လူငယ်မျိုးဆက်သစ်များနှင့် အတူ ပန်းချီပန်းပုများကို ပြသခဲ့သည်။ ထိုကာလများတွင် စတိတ်ရှိုး ခေါ် စင်တင်ဂီတအနုပညာ ဖျော်ဖြေပွဲများအတွက် စတိတ်ဒီဇိုင်းများကို ပေါ့(ပ်)ဂီတပညာရှင်များနှင့် တွဲဖက်၍ တင်ဆက်ခဲ့သည်။ စတိတ်ဒီဇိုင်းများကို တင်ဆက်ရာမှာ ဆက်တင်၊ မီးအလင်းအမှောင်၊ ဂီတသံစဉ် ဂီတပညာရှင်များနှင့် တွဲဖက်ခဲ့သည်။ ကဗျာဆရာ မြေချစ်သူ၏ ခေတ်ပြိုင်အနုပညာရပ်နှင့် ပတ်သက်သော မိတ်ဆက်စာတမ်းများကို လူငယ်ပရိသတ်များအတွက် ဖတ်ကြားပေးလေ့ရှိသည်။ ၁၉၉၃-ခုနှစ်တွင် အမေရိကန်ပြန်ကြားရေးဌာန၏(TV Program) အစီအစဉ်အရ မြန်မာပန်းချီဆရာများဖြစ်ကြသော ဦးတင်ဝင်း(ဗိဿနိုး)၊ ဦးမင်းဝေအောင်(New Treasure Art Gallery) တို့နှင့်အတူ အမေရိကန် မြို့ကြီးများရှိ ခေတ်ပြိုင် အနုပညာနှင့် ပြတိုက်များသို့ သွားရောက် လေ့လာခွင့် ရရှိခဲ့သည်။ ခရီးသွားလုပ်ငန်း မြှင့်တင်ရေး မဂ္ဂဇင်း Enchanting Myanmar တွင် Art Director/ Photographer အဖြစ် တာဝန်ယူလျက် ရှိသည့်အပြင် မဂ္ဂဇင်းများတွင် သရုပ်ဖော်ပန်းချီ ရေးဆွဲခြင်း၊ စာအုပ်မျက်နှာဖုံးများ ရေးဆွဲခြင်း၊ အနုပညာဆောင်းပါးများကို ရေးသားခြင်း၊ ခေတ်ပြိုင် ပန်းပုပြပွဲများကို (ပြည်တွင်းပြည်ပ) ပြပွဲများတွင် ပါဝင်ပြသခြင်း ပြုလုပ်လျက် ရန်ကုန်မြို့တွင် နေထိုင်သည်။ ၂၀၂၁-ခုနှစ်၊ ဇူလိုင်လ၊ ၂၀-ရက်နေ့၊ နေ့လည် ၁နာရီခွဲတွင် ကိုဗစ် ၁၉ ရောဂါဖြင့် ဘဝတပါးသို့ ကူးပြောင်းသွားသည်။ ကွယ်လွန်ချိန်တွင် အသက်(၇၂)နှစ် ရှိပြီဖြစ်သည်။ မြန်မာ့အနုပညာနှင့် မြန်မာမှု အထူးကျွမ်းကျင်သူ ပန်းပုဆန်နီညိမ်းသည် မကွယ်လွန်ခင် တစ်ရက်အလို၊ ဇူလိုင်လ ၁၉ ရက်နေ့၌ "ဆန်နီညိမ်းတောင်းဆိုသည်” ဆိုသော စစ်ကောင်စီကို ရည်ညွန်းသည့်ပုံနှင့် "ရပ်ကြတော့”ဟူသော တုန်ရီချိနေသည့် လက်ရေးနှင့် စာလုံးမပီမသ ရေးသားခဲ့သည်။