TAB BOOK CENTRE
အသိပညာ တိုးပွားလိုသူတိုင်းအတွက် တီအေဘီစာပေစင်တာ
0
0
ပင်မစာမျက်နှာ

Pantayar Myint Aung(ပန်တျာမြင့်အောင်)

စာအုပ်စုစုပေါင်း 3 အုပ်ရှိပါသည်

Showing 1–3 of 3 results
မြန်မာပြည်ရောက်ကမ္ဘာ့အနုပညာရှင်များ(ပန်တျာမြင့်အောင်)
star_border star_border star_border star_border star_border
မြန်မာပြည်ရောက်ကမ္ဘာ့အနုပညာရှင်များ(ပန်တျာမြင့်အောင်)
6,000 ကျပ် Out of Stock
Releases Mar 28, 2026
favorite_border
မြန်မာ့ဆိုင်းနှဲ ပညာကျော်များ(ပန်တျာမြင့်အောင်)
star_border star_border star_border star_border star_border
မြန်မာ့ဆိုင်းနှဲ ပညာကျော်များ(ပန်တျာမြင့်အောင်)
4,500 ကျပ် Out of Stock
Releases Mar 28, 2026
favorite_border
Book - 645129004
star_border star_border star_border star_border star_border
Book - 645129004
0 ကျပ် Out of Stock
Releases Mar 28, 2026
favorite_border
ကိုယ်ရေးရာဇဝင် မှတ်တမ်း
ကလောင်အမည် Pantayar Myint Aung(ပန်တျာမြင့်အောင်)
အမည်ရင်း Pantayar Myint Aung(ပန်တျာမြင့်အောင်)
မိဘအမည် ဦးအောင်သစ် + ဒေါ်နန်းဦး
မွေးသက္ကရာဇ် ၁၉၂၅ ခုနှစ်
မွေးဖွားရာဒေသ ချောက်မြို့။
ကလောင်အမည်ခွဲများ ရေနံမြေမြင့်အောင်
ကိုယ်ရေးဖြစ်စဉ် ပန်တျာမြင့်အောင်ကို အဘ ဦးအောင်သစ်၊ အမိ ဒေါ်နန်းတို့မှ ၁၉၂၅ခုနှစ်တွင် ချောက်ရေနံမြေ၌ မွေးဖွားခဲ့သည်။ တစ်ဦး တည်းသောသား ဖြစ်သည်။ ငယ်စဉ်ကစ၍ မြန်မာစာပေ၊ မြန်မာ့ယဉ်ကျေးမှုရေးရာတို့တွင် အထူးစိတ်ပါဝင်စား၍ လေ့လာလိုက် စားခဲ့သူဖြစ်သည်။ မြန်မာဂီတ၊ မြန်မာအကကို ကျွမ်းကျွမ်းကျင်ကျင် ခြေခြေမြစ်မြစ် နားလည်သူဖြစ်သည်။ ပန်တျာမြင့်အောင်သည် ရိုးရိုးသားသားနှင့် အေးအေးနေသူဖြစ်သည်။ ခင်မင်ကျွမ်းဝင်သူများလှသည်။ စာပေတာဝန် ထမ်းဆောင်မှုကြောင့် စာပေမိတ်ဆွေများနှင့် စာပေပရိသတ်များ၏ လေးစားမှုနှင့်အသိအမှတ်ပြုခြင်း ခံရသူဖြစ်သည်။ သတင်းစာ ဂျာနယ်၊ မဂ္ဂဇင်းများတွင် ဆောင်းပါးပေါင်း နှစ်ရာနီးပါး ရေးသားပြုစုခဲ့သည်။ ပန်တျာမြင့်အောင်သည် ကျွမ်းကျင်သော ဂီတဇာတ် သဘင် တူရိယာဆိုင်ရာ၌ သူ၏အတွေးအမြင်နှင့်သုံးသပ်ချက်များကို ရေးသားတင်ပြခဲ့သည်။ ထို့ပြင် 'ပုဂံသားမောင်ဘကျော်' အတ္ထုပတ္တိဝတ္ထု နှင့် 'မြန်မာပြည်ရောက်ကမ္ဘာ့အနုပညာရှင်များ' ၊ မြန်မာအကသမိုင်း' ၊ 'မြန်မာတူရိယာဂီတပညာကျော်များ' စာအုပ်များကိုလည်း ရေးသားပြုစုခဲ့သည်။ ပန်တျာမြင့်အောင်သည် နိုင်ငံနှင့်လူမျိုးကို ချစ်မြတ်နိုးသူ ဖြစ်လေသည်။ သူ၏အမျိုးသားစိတ်ဓာတ်သည် သူရေးသားသည့် စာပေများတွင် ထင်ဟပ်ခဲ့သည်။ သူ၏လုပ် ဆောင်ချက်များတွင်လည်း ပေါ်လွင်ခဲ့သည်။ မြန်မာနိုင်ငံ လွတ်လပ်ရေးမရမီကာလ၌ ပန်တျာမြင့်အောင်သည် ထိုစဉ်က ချောက်ရေနံမြေ ပြည်သူ့ရဲဘော်တပ်ဖွဲ့တွင် ရှေ့တန်းက ပါဝင်ခဲ့သူဖြစ်သည်။ အသက် ၂ဝအရွယ် လူငယ်ပီပီ ငွေအားလူအားသုံး၍ တက်ကြွစွာ ထမ်းဆောင်ခဲ့သည်။ ထိုစဉ် က ပြည်သူ့ရဲဘော်တပ်ဖွဲ့သည် ဗိုလ်ချုပ်အောင်ဆန်း ဦးဆောင်သော လွတ်လပ်ရေး တပ်ဦးကြီးဖြစ်သည်။ မြန်မာနိုင်ငံလွတ်လပ်ရေးရပြီးနောက်ပိုင်း ပန်တျာမြင့်အောင်သည် မွေးရပ်ဌာနေဖြစ်သော ချောက်ရေနံမြေ မှ ရန်ကုန်သို့ ပြောင်းရွှေ့လာခဲ့၏။ ထို့နောက်သူသည် မဟာဝိဇ္ဇာထိုရ် ရုပ်ရှင်ကုမ္ပဏီတွင် လက်ထောက်မန်နေဂျာအဖြစ် တာဝန်ထမ်းဆောင် သည်။ ထို့ပြင် ဗဟိုစံပြအထက်တန်းကျောင်း (ယခုအထက-၁လသာမြို့နယ်)တွင် ဂီတဆရာအဖြစ်လည်းကောင်း၊ လက်ထောက် အဆောင်မှူးအဖြစ်လည်းကောင်း၊ ခြောက်နှစ်ကျော် တာဝန်ထမ်းဆောင်ခဲ့သည်။ ၁၉၆၂ ခုနှစ်တွင် ယဉ်ကျေးမှုဌာန ပန်တျာ ကျောင်း၌ ကဗျာနည်းပြဆရာအဖြစ် ပြောင်းရွှေ့အမှုထမ်းခဲ့သည်မှာ ကွယ်လွန်ချိန်အထိ ဖြစ်လေသည်။ ပန်တျာမြင့်အောင်သည် စာပေသမားမျှသာ မဟုတ်ဘဲ တေးဂီတတွင်လည်း ဝါသနာထုံသူဖြစ်သည်။ ငယ်ရွယ်စဉ်ကပင် ပလွေမှုတ်၊ တယောထိုး၊ ဘင်ဂျိုတီးခဲ့သည်။ ပတ္တလားကိုမူ ကျွမ်းကျင်စွာ တီးနိုင်လေသည်။ စန္ဒရားသုံးနှစ် သင်တန်းကိုလည်း တက်ရောက်သင်ကြားခဲ့သည်။ ၁၉၅၄ ခုနှစ် ပြည်ထောင်စုယဉ်ကျေးမှုဌာနက ကြီးမှူးကျင်းပသော ရွှေတိဂုံအနောက်မုခ် ပြပွဲပြိုင်ပွဲတွင် ပတ္တလား လက်စွမ်းပြ ပထမရွှေတံဆိပ် ဆုရရှိသူဖြစ်သည်။ ထိုပြိုင်ပွဲ၌ပင် ဘင်ဂျိုလက်စွမ်းပြ တတိယမိုးကြိုးတံဆိပ် ရရှိသေးသည်။ ထို့ပြင် သူသည် ပြဇာတ်ကို ကိုယ်တိုင်ရေး၍ စင်တင်ခဲ့သည်။ သီချင်းကြီးပတ်ပျိုးများကိုလည်း မြန်မာ့အသံမှ သီဆိုအသံလွှင့်ခဲ့သည်။ ခေတ်ပေါ်တေးသီချင်းများကိုလည်း ရေနံမြေမြင့်အောင် အမည်ဖြင့် ရေးစပ်ခဲ့သည်။ ၁၉၅၄ ခုနှစ် ရန်ကုန်ပန်တျာကျောင်းက တင်ဆက်ကပြသော 'တေးဘုံမာ' ပြဇာတ်တွင် ဇာတ်ဆောင် တစ်ဦးအဖြစ် ပါဝင်သရုပ်ဆောင်ခဲ့သည်။ ယင်းအတွက် ငွေတံဆိပ် ဆု ပေးအပ်ချီးမြှင့်ခြင်းခံခဲ့ရသည်။ ၂၆-၁ဝ-၁၉၇၅ ခုနှစ်တွင် ကွယ်လွန်ခဲ့သည်။ ဇနီး ဒေါ်ခင်သိုက်နှင့် သားသမီး(၈)ဦး ကျန်ခဲ့သည်။